Kryetari i Ferizajt, Agim Aliu priti sot në takim ambasadorin e Turqisë në Kosovë, Sabri Tunç Angili.

Sipas një postimi në Facebook nga ana e Aliut, bëhet e ditur se ai bashkë me ambasadorin turk, vizituan kompanitë ferizajase me shtrirje edhe në tregun ndërkombëtar, shkruan Arbresh.info.

“Kënaqësi e veçantë të mirëpresim Ambasadorin e Republikës së Turqisë në Republikën e Kosovës, Shkëlqësinë e Tij, Sabri Tunç Angılı, i cili vizitoi sot Ferizajn, ku bashkë vizituam edhe kompanitë ferizajase me shtrirje edhe në tregun ndërkombëtar, kompanitë D&T Tex dhe GERIS Corporation, duke forcuar bashkëveprimin mes nesh në dobi të lehtësimit të të bërit biznes për këto kompani dhe bizneset tjera ferizajase me treg e bashkëpunim me Republikën e Turqisë”, ka shkruar Aliu./Arbresh.info/